Inuunerissaavik Steno / Steno Diabetes Center Grønland; diabetes, aap taqqanut naqitsinera qaffasissoq pualluullu anigugassaanngitsoq KOL pillugit paasissutissiinermik immikkut ukkassiviusumik nittartagartaarpoq. Nittartagaq: www.steno.gl kalaallisut danskisullu paasissutissanik imaqarpoq. Imarisaasa ilaat tuluttuujussapputtaaq.
Tamatuma saniatigut peqqinnarnerusumik inuuneqarnissamut, inooriaatsimik allannguinissamut, pujortarunnaarniarnermi ikiorneqarnissamut, timimik atuinerulernissamut peqqinnarnerusunillu nerisalernissamut isumassarsiorfissanik paasissutissaqarpoq.
“Nittartakkap inunnut inooriaatsimut attuumassutilinnik nappaateqartunut, nappaatit pillugit nalinginnaasunik paasissutissiivittut; napparsimasunut ilitsersuutit, quppersakkat, video-it kiisalu uumassusilerlugit filmiliat atorlugit ilisimasaqarfiunissaa anguniagaavoq”, Inuunerissaavik Stenomi nakorsatut pisortaasoq Michael Lynge Pedersen oqarpoq.
Ukiut tulliuttut marluk ingerlaneranni inooriaatsimut attuumassuteqartumik nappaatilinnut paasisutissanik annertunerusunik, nittartakkami pissarsiarineqarsinaalersussanik, inerisaasoqassaaq. Atortussat, inooriaatsimut attuumassutilinnik nappaateqartut peqqinnissakkullu sullissisut kissaataat aallaavigalugit, inerisarneqassapput.
”Nittartakkap nunatsinni innuttaasunut amerlasuunut iluaqutaajumaarnissaa isumassasiorfigineqarumaarnissaalu nappaatillu pillugit ilisimasanik- pingaartumillu piffissaagallartillugu pitsaaliuinissamut nakorsarneqarnissamullu periarfissarpassuarnik siammartereqataanissaa neriuutigaarput”, Michael Lynge Pedersen naggasiivoq.