Iliuuserisatta nakorsaanittalu, inuit inooriaatsimut attuumassuteqartunik nappaateqartut, taakkununnga qanigisaasut, imal. inuit allatigut nappaatinut taakkununnga attuumassuteqartut kissaataannik pisariaqartitaannillu aallaaveqarnissaat, Inuunerissaavik Steno Kalaallit Nunaat-ni kissaatigaarput. Taamaammat Inuunerissaavik Steno Kalaallit Nunaat nuna tamakkerlugu atuisunut isummersoqatigiiffimmik pilersitsivoq.
Inuunerissaavik Steno Kalaallit Nunaat-ni nappaatit pingasut diabetes, KOL aallu taqqanut naqitsinerata qaffasinnera sammineruagut. Suliagut sapinngisamik pitsaanerpaamik inerisaaviginiarlugit, nappaatit qulaani pineqartut arlaannik qanimut misigisaqartutut misilittakkatit, ilisimasatit isumassarsiatillu pisariaqartippagut
Atuisunut isummersoqatigiiffik
Isummersuutissanik inooriaatsimut attuumassuteqartunik misilittakkannillu avitseqateqarusukkuit atuisunut isummersoqatigiiffitsinnut ilanngussinnaavutit. Atuisunut isummersoqatigiiffimmut ilanngussinnaavutit ass.:
- nammineq diabetesimik imal. KOL-imik nappaateqaruit imal. aap taqqanut naqitsinera qaffasippat
- diabetesimik, KOL-imik nappaatilimmut imal. qaffasissumik aap taqqanut naqitsinilimmut
- qanigisaaguit peqqinnissakkut sullissisutut ilinniarsimaguit nappaatillu taakku arlaat attuumassuteqarfigalugu
Atuisunut isummersoqatigiinni peqataasutut sammisat suut peqataaffiginiarnerlugit nammineq aalajangissavat. Peqataaniarlutit nalunaaruit sammisat suut soqutigineritit aperissavatsigit. Atuisunut isummersoqatigiiffimmi isummersoqatigiinnerit apersuinikkut, immersuinikkut, ataatsimiinnikkut imal suleqatigiissuteqarnikkut/workshop ingerlanneqarajussapput.
Sammisat assigiinngitsorpassuusinnaapput. Tigussaasuusinnaapput, suliniutaasinnaapput imal. nakorsartinnissamut neqeroorutaasinnaapput. Inuunerissaavimmi suliniutaasut, inunnut diabetesimik imal. Kol-imik nappaatilinnut imal. qaffasissumik aap taqqanut naqitsinilinnut suliniutinik neqeroorutinillu inerisaanerusinnaavoq naliliinerusinnaallunilu.
Ass. makkununnga isummersuuteqarsinnaavutit:
- Nakorsaanitsinnut
- Qanoq aaqqissuussaanitsinnut, ass. qanoq ilillutit uatsinnut attaveqarsinnaaninnut
- Nappaatinut susassaqarfigisatsinnut tunngatillugu pikkorissaanernut ilinniartitaanernullu kissaatinut
- Ilisimatusaatitut suliniutitsinnut
- Inuunerissaavik Steno Kalaallit Nunaata nappaatinik inooriaatsimut attuumassuteqartunik qanoq pitsaaliuiqataasinnaaneranut
- Qanoq suleqatigiinnitsinnut (Peqqinnissaqarfimmi sulisuuguit)
Peqataassagaanni suut piumasaqaataappat?
Atuisunut isummersoqatigiiffimmi peqataanissamut immikkut piginnaaneqartariaqanngilatit. Sammisamut peqataajumanngissinnaavutit isummersoqatigiiffimmilu peqataajumajunnaarsinnaallutit.
Atuisunut isummersoqatigiiffimmi peqataaniarluni nalunaarneq
Atuisunut isummersoqatigiiffitsinnut peqataaniarlutit pilertortumik nalunaarsinnaavutit. Una tooruk Klik her immersugassarlu immersorlugu.
Paasissutissanik isumannaallisaaneq
Atuisunut isummersoqatigiiffimmut tunuliaqutaavoq Inuunerissaavik Steno Kalaallit Nunaat Peqqinnissaqarfimmut ilaasoq. Inuunerissaavimmi paasissutissat ilinnut tunngasut atornissaannut toqqortarinissaannullu maleruagassat tamaasa malippagut. Akissutitit tamanut isertuullugit suliarineqarlutillu toqqortarineqassaput. Paasissutissat ilinnut tunngasut allanut ingerlateqqissanngilagut, paasissutissat atuisunut isummersoqatigiiffimmi sammisaneersut nakorsat allattugaataannut ilinnut tunngasunut ilanngunneqassanngillat.
Atuisunut isummersoqatigiiffitsinnut peqataaniarlutit nalunaarnerpit peqatigisaanik maili tunniussat atorlugu allaffigineqarsinnaaninnut akuersissaatit. Apeqqutinut akissutitit isumannaatsumik allanullu isertuullugit
toqqortarissavagut.
Peqataajumajunnaarneq
sund@peqqik.gl aqqutigalugu atuisunut isummersoqatigiiffimmi peqataajumajuunnaarniarlutit attavigisinnaavatsigut.