Nakorsap Aarhus Universitetimi ph.d.-nngorniap Marie Mathilde Bjerg Christensenip ph.d.-nngorniunni naggueqatigiit inuit diabetesimik patsiseqartumik sianiutitigut aseruuttoorsinnaanissamut ilimanaateqarnerunerat, pingaartumillu kalaallit diabetesimik nappaateqalernissamut qanittut akornanni annertuumik atugaaneranik takutitsisoq, 2024-imi apriilip ulluisa 24-ianni illersorpaa.
Misissuineq paasissutissat 2018-imi nunatsinni innuttaasut peqqissusaannik misissuisitsinermit katersorneqartut atorlugit kiisalu Inuunerissaavik Steno Kalaallit Nunaat, Aarhus aamma Copenhagen suleqatigalugit ingerlanneqarpoq.
Nunatsinni diabetes annertuumik atugaavoq tamatumunngalu kingunerluutaagajuttoq navianaatilik tassaavoq sianiutitigut aseruuttoorneq. Tamatumani sunnerneqartartut tassaapput sianiutit tannerit- ilaatigut isikkanut, assannut aammali timip pisataanut inuunermut pingaarutilinnut- soorlu uummammut atassuteqartut. Taama ersiuteqarneq inuunerup naleqassusaanut peqqissutsimullu annertuumik sunniuteqarsinnaavoq, sianiutikkulli aseruuttoornerup diabetisimik patsiseqartup- naak siusinnerusukkut misissuisarnerit annertujaamik atugaaneranik paasinarsisitsisimagaluit- nunatsinni qanoq annertutigisumik atugaanera naammattumik misissuiffigineqarsimanngilaq
” Diabetesimik patsiseqartumik sianiutitigut aseruuttoorsinnaanerup kalaallit akornanni ilimanaateqarnerunera pinngoqqaatinik patsiseqarsinnaagaluaq, avatangiisit naggueqatigiinni Inunni immikkoorutillit- soorlu inooriaatsimut tunngasut, nerisat silallu pissusaata patsisaaqataanerat, erseqqissassallugu pingaaruteqarpoq” Marie Mathilde Bjerg Christensen oqarpoq. Pitsaaliuinissamut tunngatillugu pingaaruteqarmat, misissuinermi nutaami Inuunerissaavik Steno Kalaallit Nunaannit, Steno Diabetes Center Aarhusimit Steno Diabetes Center Copenhagenimiillu suleqatigiissutaasumi, kalaallini diabetesimik nappaateqartuni suut sianiutinut sunniisinnaanerat sukumiinerusumik misissuiffiginiarneqarpoq.
Misissuinermi paasisat nunatsinni innuttaasunut, pingaartumik kalaallinut diabetesimik nappaateqartunut tamatuminngaluunniit nappaateqalernissamut qanittunut tunngassuteqarpoq. Kalaallit akornanni diabetesimik nappaateqalernissamut qanittuni siniutitigut aseruuttoornerup annertuumik atugaanera, diabetisimik patsiseqartumik siuniutitigut aseruuttoornermut, diabetesimik nappaateqalersinnaanermut qanittuni misissortittarnissap naapertuussinnaaneranik paasinarsisitsimmat, misissuinermi paasisat- pingaartumik nunatsinni Peqqinnissaqarfimmut-naapertuupputtaaq.
Ilisimatusarluni suliniutip qulequtaa tassaavoq ”Exploring diabetic neuropathy in Greenland: Normative reference thresholds and prevalence estimation in the context of Inuit genetic ancestry”. Apeqqutissallit Marie Mathilde Bjerg Christensenimut, e-mailikkut: marie.mathilde.bjerg.christensen.01@regionh.dk. attaveqarsinnaap