Nunatsinni innuttaasut amerlanersaat peqqinnissaqarfik ukiumut arlaleriarluni saaffigisarpaat. Misissuinerit nutaanerusut nakorsap Sofia Botvidip ilisimatusartullu allat peqatigalugit Inuunerissaavik Stenomi Dronning Ingerip Peqqissaavianilu peqqinnissaqarfiup atorneqarneranut misissuisimapput. Nunatsinni innuttaasut 85 %-ii ukiup ataatsip ingerlanerani minnerpaamik ataasiarlutik nakorsiarsimasarmata tamannalu nunanut avannarlerni pissutsinut sanilliunneqarsinnaallutik.
Nunatsinni innuttaasut amerlanersaat peqqinnissaqarfik ukiumut arlaleriarluni saaffigisarpaat. Misissuinerit nutaanerusut nakorsap Sofia Botvidip ilisimatusartullu allat peqatigalugit Inuunerissaavik Stenomi Dronning Ingerip Peqqissaavianilu peqqinnissaqarfiup atorneqarneranut misissuisimapput. Nunatsinni innuttaasut 85 %-ii ukiup ataatsip ingerlanerani minnerpaamik ataasiarlutik nakorsiarsimasarmata tamannalu nunanut avannarlerni pissutsinut sanilliunneqarsinnaallutik.
Nunatsinni peqqinnissaqarfiup siunertaraa peqqissaaneq pitsaanerpaamik tunniunnissaa qanorluuniit ukioqaraluaraanni sumilu najugaqaraluaraanni. Siunertarineqartut nunatta isorartunersuanut, peqqinnissaqarfimmi sulisussaaleqineq atortussallu isumalluutigineqartut amigaatigineqarmata unammillernarsinnaasarpoq. Aammattaaq peqqinnissaqarfimmut aningaasat naalagaafiup ukiumut atugassai pillugit aalajangersakkanut (finanslov) annertuumik aningaasartuutaalluni. Taamaammat pingaaruteqarpoq peqqinnissaqarfik ingerlalluassasoq innuttaasunut atornissaminullu tulluassasoq. Misissuinerup siunertaraa peqqinnissaqarfiit ingerlanneqarneri ukiup ataatsip ingerlanerani kikkut saaffiginnittarnersut arnaanersut/angutaanersut, ukiui, nakorsiariaasia najugaqarfialu tunngavigalugit nassuiassallugit.
Misissuineq uani takuneqarsinnaavoq.
”misissuinerup takutippaa innuttaasut amerlanerpaat peqqinnissaqarfimmik atorluaasuusut aammalu nakorsiartitsinerit amerlasoorujussuullutik nunatsinni” proffessori Michael Lynge Pedersen oqarpoq, taanna ulluinnarni Inuunerissaavik Stenomi ittuuvoq. ”taamaammat pingaaruteqarpoq ilisimasat taakkua pitsanngorsaanissamut atornissaat aqqutissiuisinnaassammata”. Soorlu videokkut nakorsiartitsisarnerit annertusarneqarsinnaalernissaat” naggasiivoq.