Puisa – APP-eq nutaaq videokkut nakorsiarfigineqarsinnaasoq.
Nunatsinni peqqinissaqarfik app-eq nutaaq aallarnisarpaa isiginnaarutikkut nakorsiarnermi atorneqarsinnaasoq. Siunissami angerlarsimaffimmiit nakorsiarsinnaanissaq pisinnaalissaaq.
Videokkut oqaloqatigiinneq Facetimemiit Messengerimiillu nalunngerrapparput. Puisa isiginnaarutikkut nakorsiartarfik isumannaatsumik Peqqinnissaqarfimmut atassuteqarsinnaanissamut periarfissaavoq, taannalu akeqanngitsumik aaneqarsinnaavoq AppStoremi Google Playimilu,
Qaaqqussissutit SMS-imiittup linketaa atorlugu iserit.
Puisamik isiginnaarutikkut nakorsiarsinnaanissami pingaaruteqarpoq sullisissup oqaloqateqarsimanissamut attaveqarfigisimanissaa. SMS-imik pajunneqassaatit tassanilu linkeq oqaloqatiginninnissamut atugassat tigussavat.
Maannamut Puisa Inuunerissaavik Stenomi atorneqarpoq (SDCG).
Nakorsaq suliamut tunngasunik sulialik ittuusorlu Michael Lynge Pedersen Puisap periarfissarititaa nuannarilluinnarpaa oqarlunilu: ”misigisimavunga nakorsiaq peqqissusaanut tunngatillugu oqaluukkuminarnerusoq isigiitigalugu oqaluussinnaagaanni”.
”neriuppunga siunissami videokkut nakorsiartitsisinnaaneq peqqinnissaqarfimmi naliginnaaneruleriartussasoq” Michael Lynge Pedersen naggasiivoq.
www.doktor.gl- ip ineriartortinneqarnera.
www.Doktor.gl Dronning Ingerip Peqqissaavianiit Nuummiunut sullissiffiuvoq. Inuunerissaavik Steno 2020-mi atuutilermalli www.doktor.gl sullissanut Nuummi najugaqartunut periarfissaasimavoq.
Inuunerissaavik Stenop taanna periarfissaq annertusarsimavaa nunatsinni innuttaasunut tamanut neqerooruteqalertillugu, nassiussisinnaanngorlugit aap naqitsinerata uuttortarneri, oqimaassuseq, timip aalatinnera pujortartarnermullu paasissutissanut tunngasunik.
Innuttaasut diabetes type 1-mik nappaatillit Puisakkut videokkut nakorsiarnissamut inniminniisinnaapput, nunatsinni sumiluuniit najugaqaraluarunik.
Uani paasissutissat allat takukkit www.puisa.gl aammalu www.doktor.gl.
Paasissutissanik annertunerusunik Inuunerissaavik Stenomiit perusukkuit uunga mailersinnaavutit: sund@peqqik.gl
