Diabetisimik nappaateqartut isikkamikku ikeqarnerat aarlerinaatilerujussuuvoq. Ikeq pilertortumik alliartorsinnaavoq nakorsarneqanngippallu avatip kipisisariaqarneranik kinguneqarsinnaalluni.
Inuppassuit diabetisimik nappaateqarnermikkut isikkamikkut ikeqartut mamikkiartorsinnaaqqullugu ikip qasuersaartinnissaata pingaaruteqassusaa ilisimanngimmassuk, ilisimatusaqatigiit pineqartunut paasissutissiinerunikkut, pitsaanerusumik nakorsarneqarnermik kinguneqarsinnaaqqullugu, ajornartorsiut aaqqiissuteqarfiginiarsaraat.
Carrinna Hansen, ph.d. Sjællands Universitetshospitalimi Køge-miittumi saanertigut naggussatigullu nappaatilinnut pilatsittussanut immikkoortortami peqqissaanermik immikkut ilisimasalik kiisalu diabetismik nappaateqartut isikkamikkut ikii pillugit ilisimatusarnikkut suliniummik Steno Diabetes Center Sjællandimit tapersersorneqartumik aqutsisup, saqqummiussinerit pingajuat naggaserlugu suliniut taanna annertunerusumik oqaluttuarissavaa.
Diabetes pillugu ilisimatusartut inuunerissaaviit Steno Diabetes Centerit arfineq marluusut akornanni suleqatigiinnikkut saqqummersitaavoq. Tusarnaagassiat tamarmik qallunaatut immiussaapput.