Uanga Mia Solholt Godthaab Brath-mik ateqarpunga maannakkullu puannut tunngasunik suliaqalernissamut ilinniarpunga. Maannakkorpiaq Inuunerissaavik Stenomiippunga ph.d-ngorniarninnut atatillugu.
Inuunerissaavik Stenomiininni nakorsiartarfianni akuttunngitsumi suleqataasassaanga nakorsianik misissueqataallunga.
Ph.d-mut ilisimatusarnermut misissuiffigaakka KOL-eqartut timaasalu agguartaanerit. Saniatigut nerisaqarnermut ilisimatusarpunga Nordik Nutrition Academy aqqutigalugu.
Tassunga ilisimatusarnissamut soqutiginnilersimavunga napparsimasut KOL-eqartut sakkortunaarsinerusarmata nunarsuarmi napparsimasunit allanit. Napparsimasut peqqiitsorujussuanngortarput tassami nukitik annaasarpaat orsoqalernerisarlutillu tamannalu paasiaarneqarneq ajorpoq oqilineq ajormata aammalu BMI-mik naatsorsorneqaraangat allanngorneq ajorluni. Peqqiitsorujussuanngornerisa timaata katiterneratigut kingunerlutitsisinnaasarput soorlu inuunerat naleqannginnerulerlutik, timip pisinnaasusaa annikillilluni, orloqqajaaneralutik, napparsimavimmut unikulanerullutik aammalu kingunerlutsitsinissaq timitsigut suliaritissimanerullu kinguneranik.
Taannalu tunngavigalugu napparsimasut misissorusuppakka Computer Tomografertissimasut (CT) napparsimalerlaaneranni isumagisinnaasallugit ajunnginneruleqqinnissaallu aallarteqqillugu. Tamanna ajornannginneruvoq tassami CT-skannertittarsimanerisigut KOL-imik nappaateqarnerinut paasissutissat amerlanerussammata timaasalu agguataaneri atorneqanngitsut paasissutissartaat nassaaralugit. Taammaalilluni piffissaagallartillugu nassaarineqarsinnaasassapput qanoq iliuutsit kinguneri uuttortarnerilu naammassanersut kingusinnerusukkut skannertinnerisigut. Ilisimatusarnikkut timip agguataarsimanerani misissuinermi amerlanetsigut naavisa nalaat skannerlugit napparsimasulli KOL-eqartut amerlanertigut sakiaata nalaa killigisinnaasarlugu.
Maannamut ajornartorsiutaavoq nukit orsullu uuttortarnerani naleqqiussineq CT skannertinnermi kontrastimik atuinermi ajornakusoortarmata. Taamaammat sulissutigaara europamiut kontrasti atorlugu skannertinnerini angissuseq ukiunut, angissutsinut BMI-mullu naleqqersuuffeqarlernissaat, taammattaarlu inuit nammineq naleqqiunneqarnissaanut uuttuuteqalissammata CT skannertinnerisigut.
Inussiarnersumik inuulluaqqusillunga
Mia
