Inissaqartitsigit - Ulluinnanni timippit aalatinnissaanut

Timersor­tartuusariaqanngilatit nukittorsartarfinnukartartuullutilluunniit.
Timippit soqutiginngilaa nutaalianik timersuutinik atisaqarnersutit ati­ saannaalluunniit atortakkatit atorneritit.
Aala­sarnissat pingaarneruvoq.

Aalanerit tamarmik peqqinnarput assoruun­nerulaarnerillu aamma ajunngillat.
Pingaarneruvoq pisarnerniit aalanerulaartarnitit.
Ul­lut tamaasa 10 minutsit missaanni pisussuarneq soorlu aalanerunermik imalimmik inoo­riaaseqalernissannut aallarniutaavoq ajunngit­suuvoq.

Timippit aalatittarnera timinnik aalatitsisarnin­nik allanik tapertaqartikkukku, aalatitsisussaa­reertaravimmi, taava aalatitsiuarnerup inooriaaserilernissaanut periarfissaq annerulissaaq. Inuunerit timinnik aalatitsisinnaanissannik ima­qarluartuuvoq.
Aamakku siunnersuutit ilagi­sinnaasaat aningaasartuuteqarfiusariaqanngitsut piffissamilluunniit atuineruffiusariaqanngit­sut:

• Suliffinnut, atuarfinnut, pisiniarfimmut, ataatsimiiffissanut, pulaarfinnut siunertanul­luunniit allanut pisuttarit sikkilerlutilluunniit. Sumunnarfigisannut pisunnerit akeqanngit­sumik timinnik aalatitsiffissatut paasiuk. Nas­saarikkit aqqutit aqqutigerusunnarsinnaasut.
• Issiavimmiit nikuittuaannarit allat ikiussallugit aallissullugit suliassaqartillugulu suliassaannik ikiortuakkit. Ileqquulerumaarpoq oqartar­neq: “Suliaripallassavara”.
• Bussinik uniffissat sioqqutitsiarluguniugit aqqutissappillu sinnera pisuguk.
• Majuartarfiit toqqakkit nammineq ingerlasar­tuminngaanniit elevatoriminngaanniilluunniit– apuuffissannullu apuutipallanniarit
• Pinnguarit, spillinik pinnguarlutit, meeqqatit peqatigalugit nukinnik atuinartumik qitigit – nuannaajutigalutit.
• Qimmeq aneeruguk, peeqqat aneeqatigalu­gu imaluunniit meeqqatit – peqataaninnillu nuannaartilikkit.
• Pisuttuarit – tamannalu atoruk qasuersaar­fittut imaluunniit “eqqarsartaaseq” isumat­ sialattut“.
• Pisuttuaatigaluni ataatsimiinnerit ileqqorilikkit – taamaalillutit pissarsiarisinnaasatit tamaasa pissarsiarikkit.
• Oqarasuaat ataffeqanngitsoq atortaruk sulif­finnilu angerlarsimaffinnilu oqarasuaatikkut oqalukkaangavit pisuttuaatigisarit.
• Torersaasarit, eqqiaallutit, aputaajaallutit – aalaatigalutit peqqinnartunik suliaqarit.
• Nipilersuutinik tusarnaaraangavit uninngaan­narnak qiterusaarlutit aalasarit.
• Atisarsiniartarit sapinngisamillu pisussuataar­niarsarisarit.
• Aappallu tiinganerusaritsi – aalanertalerujus­suarmillu nuannisaqatigiillusi.

Pisutsilluni qassinik allorsimanermut uuttortaat ­ allornernut kisitsissut, atorsinnaavat paasiu­mallugu qanoq aalatiginerit.
Amerlasuut isu­maqarput, nuannerlunilu kajuminnartunngor­ tartoq kisitsissutip atornera.
Allornernut kisitsissut atoraangakku, pinngit­soorsinnaasassanngilatit qassinik allorsimanip­pit takulaarnissaanut.
Allornernut kisitsissut atornerani nammineerluni takkutissaaq suli amerlanerusunik allorsimarusuttarnerit, ilisi­ maarigakku.
Timippit aalasarnissaanik pingaartitsinerit illit nammineq inooriaatsippit soqutigi­neranut paasinninnernut annerulersitsissaaq.
Mobiilit arlallit Smartwatch­illu allornernik ki­sitsiseqartarput. Allornernut kisitsissut aamma peqqinnissaqarfimmi pineqarsinnaavoq.

Timinnik aalatitsineq oqitsoq nuannersorlu atortaruk.
Nammineq paasiniarsinnaavat timimik aalatitsi­nerit sorliit ilinnut naleqqunnerunersut imminut makkuninnga aperinikkut:

• Timinnik aalatitsisarnissannut ulluinnanni suut periarfissaraakka?
• Timimik aalatitsisinnaanerit timersuutilluun­ niit suut arlaat piumassuseqarfigaakka?
• Qanoq piviusorsiortigaa sivisuumik aallus­ siinnarsinnaanissara – ulluniluunniit ulapiffi­ gisanni?
• Periarfissaqarpa inunnik allanik peqateqarlunga timinnik aalatitsisinnaanissara?

Pingaaruteqarpoq tassanngaannartumik annertoorujussuarmik imaluunniit sakkortuumik sungiusartarnissannik pilersaarusiulinnginnissat. Alloriallattaagit, taamaalilluni timippit qaratsap­pillu sungiussinnaaniassammassuk. Timimik aalatitsinissaq suna arlaat aalajangiunniaraangakku piumassutsit piviusumillu qanoq iliorsinnaassutsit aamma naalaakkit, taamaalillutit qulakkeerumallugu sammilikkap­pit sivisuumik ingerlattuarsinnaanissaa. Nassaariuk ulluinnannut naammagittassutsinnullu naapertuuttoq.

Nereriaatsip allanngortinnera tapertalerlugu ti­mimik aalatitsinermik ileqqut nutaanik atugaqalerneq ullut atukkat peqqinnarnerulersissin­ naavai.

Piffissaq atuuttuaannarpoq. Ulloq unnuarlu 24 timenik imaqarpoq, qanorluunniit oqaati­gigaluaraanni. Taakku nal. akunneri 24-­it atu­gassavut sukkasuumik annikillisarput taakku­ninnga taaneqarsinnaasunik ´tunngaviusumik pisariaqartut´­nit, ass. soorlu nerinermit, sinin­nermit ikinngutinillu ilaquttanillu ilaqarnermit.
Nal. akunneri taama amerlatigisut pisarialinnut taakkununnga atorneqaraangamik, pingaaru­teqarpoq periarfissat tamaasa ilinnit atorneqarnissaat timippit aalatissinnaanissaannut. Immaqa aamma allatulaaq pingaarnersiuinerit inger­lassinnaavat, taamaalilluni ullup ingerlanerani sapinngisamik annertunerpaamik aalasinnaa­nissat pisinnaaqqullugu?
Sunngiffimmi piffissap annertunersaat TV-­p saani atorneqartarpoq imaluunniit qarasaasiap saani. Tassani piffissap ilaa pisuttuarnermut atorneqarsinnaagaluarpoq, meeqqat ilagalugit pinnguarnermut imaluunniit allatut timip aala­tinneranut.

Imaassaaq – aalajangerputit ileqqunnik allanngortitsinissamut timinnillu aalatitsisarnissat aallartissallugu.
Kajumissuseqarputit paasereerpallu ulluinnarni qanoq ilillutit timinnik aalatitsisarnerunissat, sammisatit aalatitsisarnissanni suussanersut nalunngilat, anguniakkallu angisuut ilaat mikisut anguniakkanut ilaasut allat­toreerpatit. Kisianni qanoq ilillutit utertuunnginnissat suliarissaviuk? – Kajumissuseqarnerit qanoq iliornikkut paariinnarsinnaaviuk?

Siunnersuutit ataani allassimasut anguniak­kanut aalajangernerniit peqqinnarnerusumik inuuneqalernissamik aalajangernerpit ingerlannerani ikiussavaatit.

• Pingaartitatit anguniakkani atukkit.
• Ullumi aallartigit – ulloq aallartiffissaq eqqoqqissaartoq nassaassaanngilaq.
• Eqqissisimagit naammagittarnerlu atoruk.
• Aporfissaqartoq ilimagereeruk – suuneri aaqeqqinnissaanullu piareersimagit.
• Peqatissannik arlaannik nassaarit. soorlu ass. arpaqatigisartagaq imaluunniit arlaat unnuk­kut pisuttuaqatigisartagaq.
• Imminut akilertarit ­ soorlu ass. tagiartortittarnerit imaluunniit kamippattaartarit pitsaasunik.
• Atortutit atorsinnaasuutittuaannakkit, soorlu ass. kamippaat pitsaasut atisallu iluarisatit.