Qasigiannguanut angalavugut sisamaalluta Madsi, Stine, Pernille Buttilu KOL-eqartut, diabetesertut aammalu diabeteseqartut isaanik assiliiartorluta.
Timmisartorluta Ilulissanut aallarpugut 11.11 aqaguanilu Qasigiannguanukarluta angallammik.
Qasigiannguani peqqissaavimi sulisuniit tikilluaqqusaalluarpugut misissuiffissanillu ininik pingasunik tunineqarluta, ataaseq isinik assiliinissamut, ataaseq KOL-eqartunut LFU-tittussanullu ataaserlu nakorsamut/oqalutsimillu atugassaq. Isinik assiliinermi ini atugarput qaammaraangat seqersaavimmut nutsertarpugut tarrajunnerummat, isinut misissortittarfik saagoqanngimmat taarsititsivittartunik.
Inuit 49-rut isiminnik misissortinnissamut aggersarneqarput taakkulu tamangajammik isai assilineqarput.
KOL-eqartut aammalu puaat sulinerannut misissortittussat 39-upput tamangajammillu puaat sulineranik misissorneqarlutik.
Diabeteseqartut nakorsartinnerat ingerlalluanngitsut aamma misissorneqarput.
Sisamanngornermi sulisut ilinniartinneqarput.
Ilinniartitsinermi nakorsiartitsinermi malittarisassat D4-miittut immikkut sammineqarput aammattaarlu atorturissaarutip EasyOne spirometer atornissaanut ilitsersuussisoqarluni?). Naggataatigullu ungasianiik nakorsiartitseriaaseq Puisa atorlugu oqaloqateqarsinnaanissamut periarfissat aammalu doktor.gl atornissaanut ilitsersuuneqarlutik.
Angalaneq iluatsilluarpoq nakorsiartitallu iluarusuttorujussuupput tikinneqarnerminnik nakorsiartinneqarnerminnillu.