Sunaana? KOL pualluutaavoq anigugassaanngitsoq, puaat ipiutaasartaasa kigaatsumik nungujartornerat, tamatumalu kingunerisaanik anernikilliuleraluttuinnarneq.
Sumik patsiseqarpa? KOL tupatornermik patsiseqarajuppoq kingornuttakkanilli avatangiisinullu tunngasunik allanik patsiseqarsinnaalluni.
Kikkut misissortissappat?
- Tupatortut.
- Anernikilliortut, nuattalimmik quersortut akulikitsunillu puamminni nuammik nipititsisartut.
Qanoq ilillugu suussusersineqartarpa? Puaat sulisinnaassusaannik misissuinikkut nappaat suussusersineqartarpoq. Sapinngisamik pilertortumik sivisuumillu silammut anersaarnikkut uuttuisoqartarpoq. Misissuinerup inerner, KOL nappaatigineqarneranik immaqalu nappaatip qanoq peruluutaatigineranik paasiniaanermi atorneqartarpoq.
Qanoq nakorsarneqartarpa? Tupatorunnaarneq nakorsaanermi pingaarnersaavoq. Puaat sulisinnaassusaat annikilleqqunagu timimik atuineq taamatulli pingaaruteqartigaaq. KOL-imik nappaateqarnerit suussusersineqarpat, nakorsaat najuussugassaq, anersaartuutit ameraasaasa sunnerneqarnerannik annikillisitsisartoq puaallu sulluinik nerukillisimasunik neruttuisartoq atorlugu nakorsaaneq aallartinneqassaaq. Nakorsaat najuussugassaq nappaatip ajornerulernissaanut pitsaaliuutaavoq. Taama nappaatillit ilaasa nuammut palanngarsaat iluaqutigisinnaasarpaat.
KOL-ip ajorteriasaarnerani antibiotikamik hormonimillu tartut uiguisa ammut aniatitaannik sivikitsumik nakorsartinnissaq pisariaqartissinnaasavat.
Illit nammineq qanoq iliorsinnaavit?
Tupatornaveersaarit. Timit atoruk. Nittartakkami: min.medicin.dk -mi nakorsaativit najuussugassap eqqortumik atorneqarnissaanik takutitsisumik naatsunik filmiliaqarpoq.
KOL-imik nappaateqaruit nappaativit ajornerulissutigisinnaasaanik nuammik nipititsisarnissamut qaninnerussaatit. Taamaammat ukiut tamaasa influenzamut akiuusssutissinneqartarnissaq puakkullu nuammik nipititsinikkut aseruuttoorsinnaanermut akiuussutissinneqarnissaq innersuussutaapput.
KOL-imik nappaatilinnik misissuisarneq: KOL-imik nappaateqaruit ukiumut ataasiarlutit misissortittarnissat pingaaruteqarpoq.
