airplanebooksbriefcase business cogs cross election entertainment fish house law lockmedicalpeopleselfservices socialtax

Ilisimatusarluni suliniuteqarnissamut akuersissut

Paasissutissanik pissarsinissamut pisinnaatitaaffiit

Nunatsinni peqqinnermut tunngatillugu paasissutissat nunatsinni Peqqinnissaqarfiup pigisarai pissarsiarinissaallu Kalaallit Nunaanni Ilisimatusarnermi Ileqqorissaarnissamut Ataatsimiititaliamit kiisalu Dronning Ingridip Napparsimmavissuani Peqqinnissaqarfiup qullersaqarfianit akuersissutinik piumasaqaatitaqarpoq. Ilisimatusarneq Steno Kalaallit Nunaannit aningaasaliiffigineqartoq tassunga atassuteqarpoq tassaanngalu aallaaveqarluni.

Ilisimatusarnermi ileqqorissaarnissamut tunngavissat

Ilisimatusarnerni Steno Kalaallit Nunaannut attuumassuteqartuni isumaqatigiissutit atuuttut, inatsisit toqqammavissallu nunami tassanilu innuttaasuni ilisimatusarnerni naapertuuttut eqquutsinneqarput. Taakkunani ass. inunnik misissuineq tunngavigalugu ilisimatusarneq pillugu Helsinkimi nalunaarusiaq II FN-imilu nunap inoqqaavisa pisinnaatitaaffii pillugit isumaqatigiissut (UNDRIP) ilaapput. Ilisimatusarnerni tamani Steno Kalaallit Nunaannit akisussaafigineqartuni killiligaanani ilisimatusartoqarsinnaallunilu saqqummiussisoqarsinnaavoq.

Ilisimatusarluni suliniuteqarnissamut akuersissut

Nunatsinni Peqqinnissaqarfimmi ilisimatusarnikkut suliniummik aallartitsinissamut akuersissummik qinnuteqarnissami makku piumasaqaataapput:

  1. Suliniut Kalaallit Nunaanni Ilisimatusarnermi Ileqqorissaarnissamut Ataatsimiititaliamit akuerineqassaaq.
    Ilitsersuut qinnuteqarnermilu immersugassaq danskisut kalaallisullu uani pissarsiassaapput: www.nun.gl 
  2. Qinnuteqartoq Napparsimmavissuarmi sinerissamiluunniit qitiusumik immikkoortumi pisortanit akuerineqaqqaassaaq 
    Suliniutip Peqqinnissaqarfimmi tamakkiisumik ilaannakortumilluunniit ingerlanneqarnissaa eqqarsaataappat aamma/imal. napparsimasunut tunngassuteqarpat, qinnuteqartoq Napparsimmavissuarmi sinerissamiluunniit qitiusumik immikkoortuni pisortanit naapertuuttunit, Peqqinnissaqarfimmi nukinnik ataatsimut atuinissamut suliniutillu piffissaliussap iluani ingerlanneqarsinnaanissaanut akuersisussanit, tamatumunngalu atatillugu suliniutip sumi qaqugulu ingerlanneqarnissaanut, sulisunillu ikiorteqarnissamik pisariaqartitsisinnaanermut akuersissummik piniassaaq. Napparsimmavissuarmi sinerissamiluunniit qitiusumik immikkoortuni pisortanit akuersissummut najoqqutassaq uani pissarsiassaavoq.
    Suliniut atortorissaarutinik, ininik sulisunilluunniit attartornikkut Peqqinnissaqarfimmi nukissanik atuinermik nassataqassanngippat, tamanna qinnuteqaammi ersarissumik nalunaarneqassaaq.
  3. Qinnuteqartoq Peqqinnissaqarfimmi qullersanit akuersissummik aalajangiisuussumik pissarseqaassaaq
    Ilisimatusarnermi suliniutit Peqqinnissaqarfimmi sulisut suleqatigalugit ingerlanneqartut aamma /imal. napparsimasunut tunngasut tamarmik Peqqinnissaqarfimmi qullersanit akuerineqassapput. Imm. siullermit aappaanniillu akuersissutit pissarsiarineqarpata paasissutissat makku, aalajangiisumik akuerineqarnissaq siunertaralugu, Peqqinnissaqarfimmut (sundhedsledelsen@peqqik.gl) nassiunneqassapput: 
    - Suliniut pillugu nassuiaat eqikkaanertalik 
    - Ilisimatusarnermi Ileqqorissaarnissaq pillugu Ataatsimiititaliamit akuersissut 
    - Napparsimmavissuarmi sinerissamiluunniit qitiusumik immikkoortumi pisortatut akisussaasut akuersissutaat (nukinnik atuiffiussanngippat tamanna pisariaqassanngilaq).

Suliniutit makku akuerineqartanngillat:

  • Allattugaatinik misissuinertallit, tamanna nunatsinni Peqqinnissaqarfimmi sulisunuinnaq akuersissutaammat. Taamaakkaluaq Peqqinnissaqarfimmi qarasaasiarsornermi immikkoortortaq ikiortigalugu paasissutissat amerlanerpaartaat, napparsimasut pillugit allattugaatinut qarasaasiakkut nalunaarsuiffimmit aaneqarsinnaassapput. 
  • Nunatsinni Peqqinnissaqarfimmit nukissanik annertuallaanik piumasaqaatitallit (sulisunit ikiorneqarnikkut, initigut, atortutigut allatigulluunniit).